《Zombie Army Trilogy》打丧B希特拉

时间:2020-06-10    作者:     173 次浏览

《Zombie Army Trilogy》打丧B希特拉

以丧尸为主题游戏出极都有,不愁没有捧场客,近排就有只重cult味TPS丧尸游戏《Zombie Army Trilogy》静鸡鸡登场,不过因为香港没有代理入货做批发,故宣传广告欠奉,亦只有少量水货游戏店有卖,game海遗珠所以市面没有太多人留意到,Kali本着服务大众为机迷们试game精神,加上最近又玩《Bloodborne》玩到极度不安,当然躬先士卒第一时间揾丧B希特拉返来发洩下兼做twitch啦!

故事够cult 枪枪爆头
《Zombie Army Trilogy》三部曲顾名思义,其实是英国独立游戏开发商Rebellion Developments高清重製其Sniper Elite系列中的《Sniper Elite V2》同两只已推出的DLC ,再加全新完全未发表过的第三部曲《Sniper Elite V2:Nazi Zombie Army 3》一併推出,故事以二战末期纳粹希特拉第三帝国时代做背景,虚构出进退失遽的希特拉,临近败仗之际藉暗黑邪恶力量,将纳粹德军变成丧尸兵团捲土重来!游戏有三个episodes 大约共18个chapter,以剿灭丧变后希特拉及其纳粹党羽为目标,整个故事同大部份cult片或B movies一样,基本上两三句便可以讲完:由狙撃手Karl Fairburne与来自德美俄三国的精英,组成狙击小队—起瓦解这邪恶势力,最后丧无可丧的希特拉被打回地狱去…完。可以讲是几乎没有甚幺剧情可言,没太多storytelling,卖点主要在与超大量如曱甴般随处也有的丧兵周旋,以狙击枪爆头是主打元素,每当準确地射中头部,就有—段子弹划空横射爆头片段慢镜重播,满足玩家自high中枪爆头的精彩画面。

四人欢乐天地打丧兵
游戏例牌除有孤独型玩法外,亦有多人合作模式,有见及此Kali即召唤了几位同好,组成四人小队起程到柏林射杀希特拉邪恶丧兵团!《Zombie Army Trilogy》本身是Sniper Elite系列的游戏,所以都好明显是以Sniper Rifle作为主武器,次武器可以选多款的重机枪或shotgun,而第三武器亦有多款手枪可选择, 个人较喜欢用的Karabiner 98k sniper rifle再加shotgun,手枪就以麦林最powerful,近距离可以一枪爆头! 角色方面有4男4女选用,不过只是外型上有所分别技能上全是一样,除了三支枪械旁身外,亦有4种不同手榴弹,可携带land mines、trip mines 和dynamite等,不过手榴弹补给就比较少,玩家必需在适当时候才用,忌浪费!

《Zombie Army Trilogy》打丧B希特拉
◆ 喂,请问德国腊肠喺边度买呀?吓,乜你唔识讲中文㗎,sor呀....《Zombie Army Trilogy》打丧B希特拉
◆ 呢只丧B Sniper会喺最高顶楼狙击你,然后飞去第二度再camp你,几醒嘅,可惜呀,有粒子弹正飞向佢头部,冇得比佢再醒嘞《Zombie Army Trilogy》打丧B希特拉
◆ 其实好多场景喺Sniper Elite都有,只不过将佢改下气氛,加啲特约丧尸演出,咪又一只新game啰...《Zombie Army Trilogy》打丧B希特拉
◆ 呢位德国好先生因为生前煮肠仔比女友食时,唔小心比柜上面把刀跌落嚟插中头部死咗,点知死后又要比人爆多次头,你下次醒啲,移民去无头谷玩啦!《Zombie Army Trilogy》打丧B希特拉
◆ 4个女角色中,只有呢位Marie Chevalier係Kali最想用嘅,其他果啲... 唉,女战士係咪一定要似男人先够劲㗎?《Zombie Army Trilogy》打丧B希特拉
◆ 用shotgun可以好快近身同时间杀多只丧尸,但子弹有限,记得杀完丧尸摷下佢有冇子弹拎《Zombie Army Trilogy》打丧B希特拉
◆ 游戏入面周围都有好多人头呀,肠呀比你欣赏,有时用枪打爆啲头,会突然出现好多丧尸,Surprise!《Zombie Army Trilogy》打丧B希特拉
◆ 射头部先可快速杀死丧尸,所以瞄準要够快够準先可杀蜂拥而来嘅丧尸《Zombie Army Trilogy》打丧B希特拉
◆ 手多多打爆佢个冻头后,成间房突然出现几十只丧尸!乜今日係黄金周咩?好迫呀!《Zombie Army Trilogy》打丧B希特拉
◆ 希特拉问:点解我哋会输比佢哋?点解?德国汉堡将军答:报告,我哋应该改名纳税党先有机会嬴!希特拉:点解你唔早啲讲?同我拖出去枪毙!

Kali丧爆后感
呢只game要有朋友玩先至过瘾,除咗可以设定难度,仲可以好似煮饭咁set几多人份量,1至4人玩嘅丧B数量set到啱为止,其实set最难但2人份量嘅丧B,就啱啱好打得最畅顺,事关有啲真係劲丧用重型机枪嘅大丧B,同周围丧冲嘅自爆丧B仔,确係好麻烦嘅对手,当两者同时间出现,若果唔快啲解决机枪B,就会好易比佢扫死全军覆没! 咪以为丧B丧丧地冇乜脑,有某啲Al係会识得追住你打,例如狙撃丧B,机枪丧B,好似同狗一样,越大只智能就越高咁款。坦白讲打得丧B game就係要丧爆头,啪一下再血花四溅果嗰画面又的确几过瘾嘅,好似有中咗奖嘅感觉… 玩《Zombie Army Trilogy》其实可以练习提升自己瞄準嘅技术,当练靶场玩都唔错㗎。

《Zombie Army Trilogy》打丧B希特拉

    相关的内容在这里>ω<